Wagyu Nasionale Veiling, Wagyu Produksieveiling en Nasionale Kongres

Die Wagyu Genootskap van Suid Afrika is ook bly om aan te kondig dat die Nasionale Elite en Produksie Veiling, asook die Wagyu jaarlikse kongres die 1ste Oktober 2021 in Parys sal plaasvind. 15 Bulle asook verse sal by die Elite veiling en 30 bulle sal by die produksie veiling aangebied word. Die twee veilings sal tesame met die “UIT DE FLES” veiling aangebied word.

Voorwaardes:

  • Elite bulle en verse moet ouer as 1 jaar oud wees. Die diere moet verkieslik in die top 30% vir die Suid Afrikaanse of Australiese teelwaarde analise wees (top 30% marmering, top 50% oogspier en top 70% 200/400dae gewigte wees).
  • Produksie bulle moet ouer as 2 jaar oud wees. Die bulle moet verkieslik in die top 50% van die Suid Afrikaanse of Australiese teelwaarde analise wees (top 50% Marmering, top 60% oogspier en top 80% vir 200/400dae op gewigte wees).
  • Daar is 20 lotte vir semen (maksimum 20 strooitjies per lot) en 10 lotte vir embrio’s (maksimum 10 embrio’s per lot) vir die Uit de Fles veiling. Die aanbiedings moet in die top 20% van genetika wees (top 20% IMF, top 40% EMA &en top 70% vir 200/400dae gewigte) vir die Suid Afrikaanse of Australiese teelwaarde analise.
  • Vyf lotte sal uitgehou word vir fondasie-diere.

Daar sal ‘n inspeksiekursus plaasvind op 30 September om 14:00.

Charmaine Alberts is die koördineerder vir die veiling asook kongres. Inskrywings vir die veilings sal aan u gekommunikeer word. U kan direk met haar kommunikeer by palberts@telkomsa.net of 082 922 3747